Reunímonos recentemente coa Mesa Local de Comercio do Concello de Carballo donde se aprobaron as actividades programadas para este ano polo Centro Comercial Aberto (CCA) e a Asociación de Xóvenes Empresarios de Bergantiños (AXOBER).

Dende Axober, presentaronse as seguintes actividades:

• Construíndo o futuro, que consistirá na visita de alumnado de 4º da ESO a empresas asociadas de diferentes sectores para que coñezan a oferta laboral da súa contorna.
• Charla sobre marketing e comunicación para as empresas asociadas.
• Evento sobre o vehículo eléctrico.
• Evento sobre saúde e empresa.
• Charlas sobre formación e contratación e sobre redes sociais.
• Berocasión, que este ano pretendemos ampliar a participación cara empresas vinculadas ao sector da automoción: aseguradoras, talleres…
• Axober Work Party
• Premio Empresario/a do ano

A reunión estivo presidida polo alcalde de Carballo, Evencio Ferrero, e contou coa participación do concelleiro de Feiras e Mercados, Ramón Varela Rodríguez, en representación do BNG; Isabel Cotelo Recarey, do PP; Yolanda Antelo Cameán, do CCA; e Kely Villar Cancela, de Axober. O funcionario Víctor Recarei Añón actuou como secretario.

Dende Axober agradecemos a colaboración institucional e continuaremos traballando para impulsar iniciativas en beneficio do comercio e do tecido empresarial da comarca.

Seguide atentos/as ás nosas redes para coñecer todas as novidades e actividades que temos previstas para este ano!