GONZALO BERNARDOS DOMINGUEZ convidado de excepción á “Work Party” DE AXOBER

“A economía das empresas despois da COVID” centrará a xornada informativa.

A cita será o venres 5 de novembro, ás 19.00 horas, e este ano en formato online.

A Asociación de Xóvenes Empresarios de Bergantiños adapta a Axober Work Party á situación sanitaria propoñendo para este ano unha xuntanza online na que, precisamente, o tema de debate será “A economía das empresas despois da COVID”. E para falar da situación económica actual e das previsións a curto e medio prazo, dos Fondos de Reuperación Europeos e da saída dos ERTES para empresas que non serán viables despois da pandemia,   contaremos con unha persoa de referencia a nivel nacional e internacional: Gonzalo Bernardos Dominguez.

Gonzalo Bernardos  é profesor titular de Economía da Universidade de Barcelona, analista e consultor económico e impobiliario, ademais, ocupou diversos cargo de responsabilidade no departamento de teoría económica da Universidade de Barcelona. Dirixiu varios másteres de asesoría inmobiliaria, xestión de franquías e desenvolvemento persoal e liderazgo. Colaborador habitual dos programas de televisión Al Rojo vivo, Máis Vale Tarde e A Sexta Noite (A Sexta), O Programa de Ana Rosa (Tele 5), Tot Es Mou (TV3) i Ben Trobats (La Xarxa).

A Axober Work Party, que conta coa colaboración do Concello de Carballo, celebrarase o venres 5 de novembro a partir das 19.00 horas. Ademais do poñente contaremos coa participación do alcalde de Carballo, Evencio Ferrero; do concelleiro de Promoción Económica e vicepresidente da Deputación da Coruña, Xose Regueira, e do presidente de Axober, Isidro Varela. O xornalista Luis Fraga será o moderador do acto.

A emisión realizarase simultaneamente a través da páxina de Facebook e da canle de YouTube da asociación. O público poderá realizar os seus comentarios en directo ou ben envialos previamente a información@axober.org.