A Laracha conecta A Industria

Mércores, 18 Novembro 2026 | 10:30 - 14:00

Casa da Cultura da Laracha, Rúa Manuel Murguía, s/n, A Laracha, A Coruña Ver Mapa

Duración: 3,5 horas

Detalles

O Concello da Laracha celebrará o vindeiro mércores 18 de novembro, ás 10:30 horas, na Casa da Cultura, unha xornada que servirá para pechar o segundo bloque do proxecto A Laracha Conecta, centrado na industria e nos oficios.

O encontro reunirá alumnado de bacharelato, representantes do tecido empresarial e profesionais do ámbito asociativo para dar a coñecer os recursos e apoios das administracións públicas ao emprendemento e ao emprego. Ademais, contarase con experiencias de éxito empresarial do municipio, tanto de compañías industriais como de pequenas e medianas empresas.

A xornada rematará cun aperitivo e un espazo de encontro pensado para favorecer a conexión entre os distintos participantes, especialmente entre as empresas e os futuros profesionais, promovendo así novas oportunidades de colaboración e emprego.

AXOBER é unha das entidades colaboradoras co proxecto A Laracha Conecta, impulsado polo Concello da Laracha.