AXOBER e o Banco Santander asinan un acordo de colaboración para fortalecer o tecido empresarial da comarca

A Asociación de Empresarios de Bergantiños – AXOBER – e o Banco Santander asinaron esta semana un acordo de colaboración que ten como obxectivo favorecer o tecido empresarial da comarca de Bergantiños. No acto da sinatura do convenio, que tivo lugar onte, participaron Llaré Blanco, Directora da oficina do Banco Santander de Carballo; Marco Lorenzo Carbia, Responsable da área de Negocios e Empresas (Santiago e Pontevedra) do Banco Santander; e Diego Iglesias, Presidente de AXOBER.

Conferencia PAC 2026: claves, cambios e oportunidades para o sector agrario

A primeira xornada incluída neste marco de cooperación entre AXOBER e o Banco Santander terá lugar o vindeiro 12 de maior, ás 12:30 horas, no Auditorio Forum de Carballo. Baixo o título “PAC 2026: claves, cambios e oportunidades para o sector agrario” distintos expertos analizarán o impacto da nova Política Agraria Común (PAC) no sector. 

Na xornada intervirán:

  • Lorena Ruiz, directora de Negocio Agroalimentario de Santander España.
  • César Lumbreras, director de AGROEUROPA e AGROPOPULAR.
  • Llaré Blanco, directora da oficina de Carballo do Banco Santander.
  • Juan José Cerviño, director xeral da PAC e control da Cadea Alimentaria

As persoas interesadas en asistir poden formalizar a súa inscrición a través da seguinte ligazón: https://axober.org/axenda/pac-2026-claves-cambios-e-oportunidades-para-o-sector-agrario/